Астанада өткен адам ресурстары форумында мемлекеттік қызмет саласындағы жаңашылдық мәселелері талқыланды.
Шараға Орталық Азия, Біріккен араб әмірліктері, Ресей, АҚШ елдерінен келген сарапшылар қатысты. Жасанды интеллект, блокчейн және деректер базасының дамуы мемлекеттік басқару инфрақұрылымын жаңғыртумен қатар кадрлардың біліктілігін арттыруды талап етеді. Елде 2029 жылға дейінгі мемлекеттік қызметті дамыту тұжырымдамасы бекітілді. Дәл сол құжат аясында халықаралық мамандармен бірге саланы цифрландыруға басымдық беріліп отыр.
Дархан Жазықбай, ҚР Мемлекеттік қызмет істері агенттігінің төрағасы:
- Жасанды интеллектіні ЖИ е-қызметке енгізу бойынша зертхана ашылды, сол зертхананың ішінде соны енгізу бойынша қазір жұмыстар жүргізіп жатырмыз. Өзіміздің әдістерімізді, ойларымызды біздің әріптестермен бөлісеміз және олардан тың деректерді күтеміз. Сол тың деректерді алдағы уақытта біз өз жұмыстарымызға пайдаланамыз.
