Түркістан облысында екі бірдей су қоймасы салынып жатыр.
Өңірдегі су тапшылығы мәселесін шешуге бағытталған жоба Президент тапсырмасымен іске асуда. Мамандардың айтуынша, Бәйдібек ата және Боралдай жаңа су құрылымдары аймақтағы егістік алқаптарын тіршілік нәрімен толық қамти алады. Соның арқасында «Бөген» су қоймасына қосымша 113 миллион текше метр су келеді. Сондай-ақ Ордабасы және Сауран аудандарында тағы екі жаңа су сақтау нысаны салынады. Ол тәулігіне 194 текше метрге дейін су бере алады. Еске сала кетейік, биыл облыста 890 мың гектар жерге егін егілді. Бұл өткен жылмен салыстырғанда 17 мың гектарға артық. Оның жартысынан көбі суармалы жер.
