Жуырда мопед жүргізушілерге қатысты жаңа заң күшіне енді. Алматы Полиция департаментінің ресми өкілі Салтанат Әзірбектің сөзінше, қалада мопед тізгіндейтіндердің 95%-ы көлігін тіркеп, жүргізуші куәлігін алып үлгерген, — деп хабарлайды Massaget.kz тілшісі.
"5 сәуірден бастап күшіне енген жаңа заңға байланысты мопедтердің барлығы тіркеуден өтіп, мемлекеттік нөмір, техпаспорт, сақтандыру полисін алуға тиіс болатын. Енді арнаулы куәлігіңіз болса ғана мопед жүргізе аласыз, онсыз болмайды", — дейді Салтанат Әзірбек.
Дегенмен, ІІМ мәліметінше, ең көп кездесетін заңбұзушылық түрлері мыналар:
- жол белгілерін елемеу;
- тұтас жолақты кесіп өту;
- жолақты ауыстырғанда тұтас сызықты кесіп өту;
"Жүргізушілердің көбі шамын ауыстырар кезде де өз шамы жақсы жанбайды дегендей уәж айтады. Бірақ арнаулы рұқсат болмаса, шам мен өзге де құралдарды өз бетінше салуға болмайды", — деп ескертті департамент өкілі.
5 сәуірден бері заң бұзған 5000 мопедтің иесі әкімшілік жауапқа тартылып, 2000 көлік айып тұрағына қойылған. ІІМ ақпараты бойынша осы уақытқа дейін Алматыда 15 мыңнан аса мопед тіркелген.
Полицияның мәліметінше, мопед жүргізетіндердің көбі — курьер болып істейтін шетелдіктер.
Қызықты жаңалықтар мен видеоларды көру үшін TikTok арнамызға жазылыңыз!
