Елде қаржылық мониторинг жүргізілетін нысандардың қатары көбейеді. Бұл тізімге тауар биржасында жұмыс істейтін брокерлер Қаржы институттарымен келіссөз жүргізетін ұйымдар, байланыс операторлары енді. Демек қаржылық бақылау органдарының құзыреті бұрынғыға қарағанда кеңейеді деген сөз. Енді агенттік коммерциялық емес ұйымдардың күмән туғызған аударымдарын сүзгіден өткізе алады. Себебі бұл ұйымдар қаржы ұрлап, заңсыз қызметті қаржыландырмасына кім кепіл?! Қауіптің алдын алған абзал. Қаржы саласындағы қылмыстар экономиканың тұрақтылығына қауіп төндіреді.
