Биыл Батыс Қазақстан облысында жаңартылатын қуат көздерінен электр энергиясын шығаратын 3 станция құрылысы басталады, деп хабарлайды 24kz.
Аймақтағы Қарашығанақ және Чинарев кен орындарында, Бәйтерек ауданына қарасты Белес, Новенький ауылдарында және Орал қаласындағы жылу орталығында 5 электр стансциясы бар. Олардың барлығы да газтурбиналар арқылы қуат өндіреді. Ал 28 мамыр күнгі аукционда Орал қаласының іргесінен 50 мегаваттық жел станциясын салатын инвестор табылды. Алдағы айда аукцион арқылы Теректі ауданы Пойма ауылынан қуаты 30 мегаваттық күн электр станциясын тұрғызатын компания анықталады. Сонымен қатар биыл Өнеге ауылында гибридті станцияның құрылысы басталады. Жаңа станция облыстың энергожүйесінен оқшау жатқан Жәнібек және Бөкей Ордасы аудандарын электр қуатымен қамтамасыз етпек.
Бейімбет Мусин, БҚО энергетика және ТҮКШ басқармасы басшысының орынбасары:
- Гибридті станция салу жоспарлануда. Күн және газэлектр станциясын бірігіп салу. 5 МВт болады қуаттылығы. Қазіргі жер бөлу мәселесі барлығы аяқталды. Осы ағымдағы жылы өздерінің мына жабдықтарын алып келу жоспарлауда. Жоспар ойынша 2026 жылы осы жобаны іске қосу көзделіп отыр. Бізде мысалы өзіндік генерация 95%, 5% мана айтылған Жәнібек және Бөкей Ордасы аудандарына импорттаймыз РФ-дан. Сол 5% жабу мақсатында.
