Астанада автобус жол апатына ұшырап, 15 адам зардап шекті. Үшеуі ауруханаға жатқызылды, біріне аяқ ампутациясы жасалды деп хабарлайды Egemen .kz.
Астана қаласының қоғамдық денсаулық сақтау басқармасы автобуспен болған жол-көлік оқиғасында жарақат алған жолаушылардың жағдайы туралы жаңартылған ақпарат таратты.
Жедел жәрдем бригадалары түрлі жарақат алған 15 адамды қаланың медициналық мекемелеріне жеткізді. Олардың үшеуі ауруханаға жатқызылды, қалғандарына алғашқы медициналық көмек көрсетіліп, үйлеріне жіберілді.
- Ауруханаға түскендердің жағдайы ауыр деп бағаланып отыр. Бір науқасқа төменгі аяқтың ампутациясы жасалды. Барлық зардап шеккендерге толық көлемде қажетті медициналық көмек көрсетіліп жатыр, — делінген басқарманың хабарламасында.
Еске сала кетейік, жол апаты 2 маусымда Астананың Республика даңғылында болған. Маршруттық автобус жол белгілерінің тірегіне соғылған. Алдын ала мәлімет бойынша, жарақат алғандардың екеуі Ұлттық жедел медициналық үйлестіру орталығына жеткізілген.
Жанель ТӨЛЕУБЕКОВА, ЕҰУ студенті
