Еліміз бойынша Жамбылда ғана тасы өрге домалаған тері өңдеу ісі енді түбегейлі тоқтамақ. Өйткені өткізетін жер жоқ. Салдарынан, аймақта аяқ асты болған мал терісі тау боп үйіліп, шіріп жатыр. Дәл осылай жүн қабылдайтын жерді де іздеп таппайсыз. Сорақысы өңірде жылына 3 млн бас қойдың жүні қоқысқа айналып, далаға төгіледі. Өркендемей тұрған өндіріс жайын Данияр Әлімқұл саралап көрді.
Данияр Әлімқұл, тілші:
Міне төрт-түлік терісін тапсыратын жер жоқ болғандықтан осылай мүңкіген иісі мұрын жарып, тау боп үйілген. Мұнда қоқысқа айналған қой терісімен қатар, жылқы терісі де жайрап жатыр.
Үсенбек Мұқанов 25 жылдан бері мал терісін қабылдаумен айналысады. Енді адал кәсібін алдағы аз күнде түбегейлі тоқтатпақ. Өйткені халықтан қабылдаған өнімді өткізетін кәсіпорын жоқ. Тері өндірісі тұралағанына тура 10 жыл болғанымен, биыл тіпті құлдырап кетті дейді.
Үсенбек Мұқанов, кәсіпкер:
Мынау жинаған 25 тонна теріміз, бостан босқа үйіліп жатыр. Ешкімге керегі жоқ, кәдеге жарамай ысырап болды. Шамамен 5-6 млн теңге жайынан жатыр ғой осы жерде.
Кезінде 2-3 мың теңгеге бағаланған қой терісі қазір 10 теңгеге татымайды, сиырдан сыпырылғаны 400 теңгеге құлдыраған.
Данияр Әлімқұл
