Шымкент қаласының әкімдігі бюджеттен миллиардтап бөлінген ақшаны уақытында игермей, қазынаға кері қайтаруға мәжбүр болған, деп жазады Skifnews.kz ақпарат порталы qazaqstan.tv-ге сілтеме жасап.
Мегаполисте 31 лауазым иесі жазаланып, екеуі қызметтен қуылды.
Телеарна мәліметінше, қолға берген қаржы игере алмағандардың тобын полиция департаменті мен аудан әкімдігі аппараттары бастап тұр. Тәртіп сақшылары 545 миллион теңгені жарата алмай қазынаға қайтарып берсе, жергілікті билік құрылымдары 431 миллион теңгенің жұмысын үйлестіре алмаған.
Сондай-ақ білім, энергетика және инфрақұрылымды дамыту, жұмыспен қамту басқармалары да қолдағы бар ақшаны іске жаратпаған. Оған мердігерлердің тауарларды мерзімінде жеткізіп бере алмауы, атқарылған жұмыс актілерін дер кезінде ұсынбау және сот процесстерінің аяқталмауы себеп болған
