2025 жылдың 19-31 мамыр аралығында жалпы білім беру мектептерінің 8–10 сынып (14–16 жас) оқушылары арасында «Астана дарыны» орталығының ұйымдастыруымен «JasSkills Astana 2025» қалалық чемпионатын өтуде .
Бұл туралы Caravan.kz медиа порталы хабарлайды.
Елордалық 27 білім беру мекемелерінен 84 оқушы қатысатын чемпионат 8 құзыреттілік бойынша өтіп жатыр. Олар: Мейрамхана қызметі, Сән технологиясы, Элекромонтаждық жұмыстар, Мобильді робототехника, Мобильді қосымшаларды әзірлеу, Графикалық дизайн, Веб дизайн және әзірлеу, Кәсіпкерлік.
Чемпионат барысында қатысушылар өздері таңдаған сала бойынша негізгі кәсіптік білімі мен практикалық әлеуетін де паш етеді. Бұл жарыс жас жеткіншетердің болашақ мамандығына қатысты кәсіптік маңызды дағдыларын қалыптастырып, жаңа мүмкіндіктерге жол ашып, мол тәжірибе берері сөзсіз.
Ұйымдастырушылардың сөзінше, шеберлік чемпионаты қатысушыларға мамандық таңдау және оны кәсіби түрде меңгеру жолында көмектесетін негізгі құралға айналған.
««WorldSkills»қалалық чемпионаты аясында 2019 жылдан бастап «Астана дарыны» дарынды балалар мен талантты жастарды анықтау және қолдау орталығы Астана қаласының жалпы білім беретін мектептерінің 8-9 сынып (14-16 жас) оқушылары арасында «JasSkills Astana»кәсіби шеберлік чемпионатын өткізеді. Чемпионаттың мақсаты — мектеп оқушыларына ерте кәсіптік бағдар беру және олардың заманауи мамандықтарды игеруі үшін жаңа мүмкіндіктер жасау, өзіндік жұмыс дағдыларын қалыптастыру. Өздеріңіз байқағандай, чемпионат заман талабына сай әрі қазіргі қоғамға аса қажетті салаларды қамтыған. Осындай шаралар елімізде кәсіптік базалық түсінігі қалыптасқан, білім алған мамандығы бойынша жұмыс істейтін, ел дамуына өз үлесін қосатын жастардың санын арттыруға ықпал етеді деген сеніміміз мол. Бұған дейін “Астана дарыны” орталығы екінші рет балабақша тәрбиеленушілеріне ерте жастан кәсіптік бағдар беру және балалардың болашақта заманауи еңбек кәсіптерін игеруге қызығушылығын арттыруға мүмкіндіктер жасау мақсатына бағытталған ІI «BalаSkills» қалалық чемпионатына 6 құзыреттілік бойынша өткізгенін айта кету керек. Ол жарысқа барлығы 100 бала қатысқан еді. Еліміздің ертеңі саналатын жас ұрпаққа ерте жастан кәсіптік бағыт-бағдар беру өте маңызды деп есептеймін. Сондықтан кәсіптік білімнің беделін арттыратын, жастарды кәсіпке бейімдейтін мұндай жобалар мен жарыстар жиі ұйымдастырылу керек», — дейді ұйымдастырушылар.
Ұйымдастырушылардың айтуынша, елордалық мектеп оқушылары арасында чемпионатқа қызығушылардың саны жылдан-жылға артуда.
«Елордалық оқушылардың WSK қозғалысына қатысқан жылдары чемпионаттың географиясы едәуір кеңейіп, құзыреттіктер саны 3-тен 9-ға дейін өсті. Сондай-ақ, «JasSkills Astana» кәсіби шеберлік чемпионатына қатысуға ниет білдірушілер саны да артты. Біз мұндай қызығушылыққа қуанамыз. Жарысқа қатысуға ниетті жастардың санының артуы өз жұмысымыздың оң нәтижесі деп білеміз. Себебі, чемпионат оқушылардың өздері қызыққан саланың қыр-сырын тануға, коммуникация орнатуға, заман талабына сай келетін мамандықтықтармен танысуға көмектеседі. Сондықтан жас жеткіншектер осындай беделді әрі берері мол жарыстардан тыс қалмаса екен дейміз. Нақты бір мамандық бойынша бойларындағы дағдылары мен біліктіліктерін сынға салатын оқушылар жарыс жолында түрлі тапсырмалар орындайды. Ал қатысушыларды тәуелсіз сарапшылар жан-жақты бағалайтынын да айта кету керек. Қалалық чемпионаттың қорытындысы бойынша елордалық оқушылар І орын, ІІ орын, ІІІ орын және медальдармен марапатталады», — дейді ұйымдастырушылар.
Кәсіптік чемпионаттар легі мұнымен тоқтамақ емес. Алдағы күндері колледж студенттері де өзара бақ сынамақ.
«“Астана дарыны” орталығының ұйымдастыруымен ағымдағы жылдың 27 мамыр күні Астана қаласы әкімдігінің «Astana Polytechnic» жоғары колледжінің базасында Графикалық дизайн және Веб-дизайн және әзірлеу құзыреттіліктері бойынша чемпионат өтеді. Ал 30-31 мамыр күндері Құрылыс техникалық колледжі базасында Элекромонтаждық жұмыстар бойынша чемпионат өтетін де еске саламыз», — дейді ұйымдастырушылар.
