Енді кез келген қазақстандық күмән тудырған ақпаратты өздері тексерте алады. 1 тамызда елде AntiFake орталығы ашылды. Ол Орталық коммуникациялар қызметі құрамында жұмыс істейді және жалған хабарламалармен күреседі. «Бүгінде әлеуметтік желілерде жарияланған кей ақапарт шындыққа жанаспайды. Ал нейро-желілер мен дип-фейктердің дамуы манипуляция қаупін күшейтті. Сондықтан жалған ақпаратпен күрес жеке бағыт ретінде айқындалды», — дейді орталық мамандары .
Маржан Бахтиярқызы, ҚР Президенті жанындағы орталық коммуникациялар қызметінің өкілі:
- Орталық мемлекеттік органдармен бірлесе жұмыс істейді. Тек қауесеттерді жоққа шығарып қана қоймай – олардың қалай пайда болатынын және қалай таралатынын көрсетеді. Осылайша, қоғамда манипуляцияға қарсы иммунитет қалыптасады. Айта кетейін, әр азамат күмән тудырған материалды @AntiFakeCenterBot чат-боты арқылы немесе Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. почтасына жібере алады. Барлық ресми теріске шығару материалдары t.me/AntiFakeCenter Telegram-арнасында, сондай-ақ Орталық коммуникациялар қызметінің ресми әлеуметтік парақшаларында жарияланады.
