Аталған факті бойынша қылмыстық іс қозғалды.
Елордадағы мектептердің бірінде ғимаратқа жарылғыш зат қойылғаны туралы жалған хабарламалар түскен. Жасөспірім алдымен роботтандырылған дауыспен қоңырау шалған, 2 күннен соң мектеп директорының жеке нөміріне хабарлама жолдаған, деп жазады inbusiness.kz сайты.
Екі жағдайда да шұғыл қызметтер мектепті толық эвакуациялап, ғимаратты тексеріп, қауіптің жоқ екенін анықтады. Жүргізілген шаралардың нәтижесінде аталған хабарламаларды 8 сынып оқушысы жібергені анықталды.
Жасөспірім әлеуметтік желіден жалған минирлеу туралы хабарламалар жіберу үшін ақы төлеуді ұсынған жазбаны көріп, өзінің телефонына қолжетімділік берген. Осылайша ол сабақтың өтуіне кедергі жасаған.
Аталған факті бойынша қылмыстық іс қозғалды, кәмелетке толмағанның ата-аналары баланы тиісті деңгейде тәрбиелемеуі үшін жауапкершілікке тартылды.
Оқушы кәмелетке толмағандар есебіне қойылды. Полиция көрінеу жалған жарылғыш зат қойылғаны туралы хабарлама үшін қатаң қылмыстық жауапкершілік көзделетінін және келтірілген материалдық шығынды өтеу міндеті жүктелетінін еске салады.
Астана, мектеп, жалған хабарлама, бомба
