Алматыда самокаттарды қоятын арнайы тұрақтар пайда болады. Қала билігі қос дөңгелекті құрылғыларды қоятын 10 орынды белгілеп қойған. Енді кикшеринг компаниялар электрсамокаттарды соған сай бейімдеуі керек, — деп хабарлайды Massaget.kz тілшісі "КТК" телеарнасына сілтеме жасап.
Техниканы көрінген жерге тастап кететіндермен шенеуніктер осылай күреспек. Тек арнайы тұрақтардың нақты қашан іске қосылатыны белгісіз. Егер жалға беретін компаниялар самокатты жақын арада бейімдеп үлгермесе, тұрақтар көктемде іске қосылуы мүмкін. Себебі жол белгілері бояу арқылы сызылады.
"Қазір электрсамокат нарығы, кикшеринг компаниялардың жұмысы реттелмеген. Нақты нормалар мен ережелер жазылған бір де бір заң жоқ. Дегенмен кикшеринг компаниялармен бірлесіп жұмыс істеп жатырмыз. Алматыда саябақтар мен жаяу жүргіншілер аймақтарын жаптық. Ол жерде электрсамокаттар жүрмейді. Арнайы тұраққа деп 10 орын таңдалды", — дейді Алматы мобильді басқарма басшысының орынбасары Бауыржан Құмарғазин.
Өзекті жаңалықтарды өз уақытында оқу үшін Facebook парақшамызға жазылыңыз!
