Биыл елде электрлі самокат жүргізушілерінің кесірінен 101 адам жарақат алған. Бір адам опат болды . Көп жағдайға жолда жүру ережелерін сақтамау себеп болған. Осыдан екі жыл бұл бұрын көліктің бұл түрін басқару бойынша заңға өзгеріс енгізілді. Әйтсе де тәртіпке бағынбайтындар көп.
Бұл мәселе мемлекет басшысын да алаңдатып отыр. Ол биылғы жолдауында қоғамдық орындардағы ахуал өзгере қоймағанын, азаматтарға әлі де қауіп-қатер төніп тұрғанын жеткізді. Маусым басталғалы елде 10 мың жүргізуші әкімшілік жауапкершілікке тартылды. Тиісті ережелерді сақтамаған жасөспірімдердің ата-анасы немесе заңды өкіліне де айыппұл салынды.
Ақтоты Боранова, ҚР ІІМ Әкімшілік полиция комитетінің ресми өкілі:
- Біздің елімізде инфрақұрылымды қарайтын болсақ, ондай полосалар аз. Оның саны, әрине, ЖАО берілген ұсыныстар нәтижесінде жылдан-жылға көбейіп келе жатыр. Дегенмен де, веложолақтар болмаған жағдайда онда электр самокат жүргізушілері екіге бөлінеді. Яғни 18 жасқа толған, жүргізуші куәлігі бар адамдар, жолдың оң жақ шетімен жүруіне рұқсат етілген. Жылдамдығы сағатына 25 шақырымнан аспау керек, басында шлем болу керек. Қараңғы мезгілде міндетті түрде жарық қайтарғыш элементтерді қолдану керек. Егер де ол 18 жасқа толмаған болса, жаяу жүргіншілер жолымен жүреді. Ол жерде басымшылық жаяу жүргіншілерге беріледі. Ол жердегі самокат жүргізушілерінің жылдамдығы сағатына 6 шақырым.
