Әлеуметтік желілер мен мессенджерлерде Алматы облысында екі әйел кәмелетке толмаған баланы ұрлап әкеткені туралы ақпарат тарады. Жасөспірімді азаптап, жыныстық зорлық-зомбылық көрсетіп, бопсалағаны туралы да айтылған, — деп хабарлайды Massaget.kz тілшісі.
Әлеуметтік желідегі ақпаратқа сүйенсек, екі әйел 16 жастағы қызды үйінен алдап шығарып, ұрлап әкеткен. Әйелдің біреуі ауылдық округтердің бірінің әкімі аппаратының қызметкері екені айтылған.
"Әйелдер қызды ұрып-соғып, денесіне темекі шоғын басып, өзенге батырып, жыныстық сипаттағы зорлық-зомбылық әрекеттер жасап, қол-аяғын сүюге мәжбүрлеген және осының барлығын видеоға түсірген. Сондай-ақ, олар бұл видеоны таратпау үшін үш миллион теңге талап еткен", — деп жазылған ақпаратта.
Алматы облысының Полиция департаменті бұл деректі растап, күдікті ұсталып, қылмыстық іс қозғалғанын хабарлады.
"Екі күдікті әйел де ұсталып, уақытша ұстау изоляторына қамалды", — деді ведомство өкілі.
Instagram парақшамызға жазылып, ең қызықты ақпараттарды бірінші болып оқыңыз!
