Тұңғыш Президент музейінде «Конституция – халық таңдауы, мемлекет тірегі» көрмесі ашылды

Тұңғыш Президент музейінде «Конституция – халық таңдауы, мемлекет тірегі » көрмесі ашылды

Тұңғыш Президент музейінде Қазақстан Республикасы Конституциясының 30 жылдығына арналған «Конституция – халық таңдауы, мемлекет тірегі» атты көрме ашылды.

Көрме тәуелсіз Қазақстанның саяси-құқықтық қалыптасу жолын айшықтайды. Экспозицияда мемлекеттік егемендік туралы Декларация мен тәуелсіздік туралы Конституциялық заңнан бастап, бүгінгі қазақстандық мемлекеттіліктің берік іргетасына айналған 1995 жылғы Конституцияға дейінгі тарихи кезеңдер қамтылған.

Жәдігерлер қатарында Тұңғыш Президенттің жеке архивінен алынған құнды құжаттар бар. Олардың ішінде автордың қолтаңбасы бар түпнұсқа қолжазбалар, сондай-ақ, құқық пен мемлекет құру саласындағы әлемдік деңгейдегі сарапшылардың құнды тұжырымдары ұсынылған.

Іс-шараның мақсаты – мемлекеттік дамудың негізіне айналған әрі демократиялық институттарды дамыту мен одан арғы реформалардың бастауы болған Негізгі Заңның маңызын көрсету.