Ресей мен Украина 146/146 формуласы бойынша әскери тұтқын алмастырды. Мұны Ресей Қорғаныс министрлігі хабарлады. Бұл ақпаратты көп кешікпей президент Владимир Зеленский растады. Дегенмен, Украина жетекшісі нақты қанша адамның көрші елден қайтарылғанын айтпады.
Үйлеріне оралғандардың көбі – 2022 жылы қолға түскендер. Олардың арасында Украина Қарулы күштерінің, Ұлттық гвардиясының және Шекара қызметінің жауынгерлері мен бейбіт тұрғындар бар.
Мәскеу мен Киевтің тұтқын айырбастауына Біріккен Араб Әмірліктері ықпал еткен. Сол үшін Ресей әскерилері мен Зеленский бұл мемлекетке алғыс білдірді.
