Кеше Павлодар облыстық қылмыстық істер жөніндегі мамандандырылған ауданаралық соты осындай шешім шығарды.
Өгей қызын зорлап келген ер адамға қатысты қылмыстық іс жабық сот отырысында қаралған, деп хабарлайды inbusiness.kz сайты.
Оған "Зорлау, яғни жәбірленушіге күш қолдану қатерін төндіріп, дәрменсіз күйін пайдаланып, жас балаға қатысты бірнеше рет жыныстық қатынас жасау" бойынша айып тағылды. Істің мән-жайын заңмен жария ету мүмкін болмады.
– Сотталушының кінәсі жәбірленушінің, куәлардың айғақтарымен, сот сараптамаларының қорытындыларымен және сотта зерттелген басқа да дәлелдемелермен дәлелденді. Сотталушымен жасалған қылмыс аса ауыр қылмыстар санатына жатады және тек өмір бойына бас бостандығынан айыру жазасын ғана қарастырады, – делінген хабарламада.
Істің мән-жайын және сотталушының жеке басын ескерген сот оған өмір бойына бас бостандығынан айыру жазасы тағайындады.
Үкім заңды күшіне енген жоқ.
