Армения мен Әзербайжан келісімі Оңтүстік Кавказдағы геосаяси тепе-теңдікке айтарлықтай ықпал етуі ықтимал.
Бұл бірлескен декларация — ұзақ жылдар бойы қақтығыста болған қос ел бірдей қол қойған тарихтағы алғашқы екіжақты құжат. Сарапшылардың айтуынша, Зангезур дәлізінің АҚШ-қа жалға берілуі — өңірлік және жаһандық күштердің мүддесіне тікелей әсер ететін фактор. АҚШ бұл жерді теміржол, мұнай-газ құбырлары, талшықты-оптикалық желілер, сондай-ақ мүмкін болса, электр беру желілерін дамытуға арналған консорциумға қайта жалға бермек. Бұл инфрақұрылым 43 шақырымдық дәліз бойында салынады.
Уәлихан Бахретдинов, саясаттанушы:
- Толығымен күштердің балансын өзгертетін шешім. Өйткені Зангезур дәлізінің АҚШ арендасына енуі бұл Американың өз мүддесін қорғап, мүдделі басшы ретінде, өзінің мүлкі ретінде пайдаланады. Тарихта ондай оқиғалар болған. Суэц каналын Египеттен Франция мен Ұлыбритания арендаға алған болатын. Менің ойымша, бұл тек қана халықаралық балансты нығайтуға оң әсер ететін шешім.
