Алматы облысында радардан жоғалған тікұшақ экипажын іздеу жұмыстары жалғасып жатыр.
Құтқарушылар Сорбұлақ өзенінің тең жартысын шолып шықса да, әскери әуе техникасы табылмады. Бұл туралы бүгін Үкімет үйінде өткен баспасөз жиынында Төтенше жағдайлар министрінің орынбасары Кеген Тұрсынбаев айтты. Вице-министрдің сөзіне сүйенсек, іздеу жұмыстары 10 күн бойы таңнан кешке дейін еш тоқтаған емес. Бірақ күн райы мен көл суының тұнық болмауы біраз кедергі келтіріп жатқанын жасырмады. Еске сала өткен жөн, ЕС-145 әскери тікұшағы 25 шілдеде Луговое аэродромынан ұшып, радардан жоғалды. Бортта экипаждың үш мүшесі болған.
