«Келешек мектептері» жобасы аясында Маңғыстау облысында 13 мектептің құрылысы қолға алынды.

Онда бір ауысымда 12 600 оқушы білім ала алады. Жаңа ғимараттардың төртеуі қолданысқа берілген. Олар Ақтау қаласы мен Мұнайлы ауданына тиесілі. Қыркүйек айына дейін тағы 8 мектеп тапсырылады. Ал біреуінің құрылысы, қазан айында аяқталмақ. Бұл білім ордаларында пәндік кабинеттермен қатар, зертхана, визуалды дизайн мен хореография кабинеттері, 2 спорт залы қарастырылған.

Шынарай Сүгірбаева, Батыр ауылының тұрғыны:

- Бұрын балаларымыз 15-орта мектепте оқитын еді. Ол жақта үш ауысыммен оқитын болды. Тасымалмен оқыды. Бізге алыс. Қазір енді бұл мектеп өзімізге жақын.

- Сағатбек Жұбанов, Мұнайлы аудандық Білім беру бөлімі басшысының міндетін атқарушы:

- «Келешек мектептерінің» негізгі идеясы — ауыл балаларының білім алу үдерісінде қала балаларының білім алу үдесірінен айырмашылықты жою. Қазір бізге салынып жатқан «Келешек мектептерінде» қала мектептеріндегідей толық жағдай жасалған. Барлық инфрақұрылыммен қамтамасыз етілген.