Бұдан былай кәсіпкерлердің салық органдары алдындағы есептілігі едәуір азаяды. Бірыңғай жер салығы жойылып, жекелеген төлемдер бойынша мөлшерлемелер мен алымдар саны қысқарады. Шығыс Қазақстандық кәсіпкерлермен жүздескен мемлекеттік кірістер комитетінің мамандары жаңа салық кодексіндегі негізгі өзгерістерді түсіндірді. Бетпе-бет жүздесуде бизнес өкілдері сұрақтарын қойып, нақты мәселелер бойынша нұсқаулықтар алды. Көшпелі семинарға 400-ден астам адам қатысты. Енді мамандар шалғайдағы ауыл-аймақтарды да аралап шықпақ.
Айнара Мүлікова, кәсіпкер:
Арнайы салық режимі 7-ден 3-ке дейін азайтылуы бұл — бухгалтердің жұмысын 2-3 есеге дейін азайту. Әрбір тоқсан сайын тапсырылатын есептерді жылына бір ретке өзгерту, ескертпе келетін уақыттардың мөлшері азаюы бізге өте қатты ұнап жатыр.
Оңғар Алпысбайұлы
