Семсерлесуден Тбилиси қаласында өтіп жатқан әлем чемпионатында Қазақстан құрамасы қола медаль жеңіп алды. Командалық жарыста ел намысын Руслан Курбанов, Вадим Шарлаимов, Эльмир Әлімжанов және Кирилл Проходов қорғады. Олар үшінші орын сарапқа салынған кезеңде Франция құрамасымен кездесті. Отандастарымыз бірден басымдық танытып, соңына дейін дес бермеді. Нәтижесінде 45:31 есебімен жеңіске жетті. Осылайша Қазақстан тарихта алғаш рет әлем чемпионатының командалық жарысында медаль жеңіп алды.
