Әлеуметтік осал топтарға жататын немесе төтенше жағдайдан зардап шеккен қазақстандықтардың несиесін шегеру туралы құжат қоғамдық талқылауға ұсынылды. Құжатта комиссиясыз кемінде үш ай мерзімге кейінге қалдыру қарастырылған. Ұсыныс қолдау тапса, азаматтар дефолтқа ұшырамай, болашақта қайта төлеу мүмкіндігін сақтап қалады. Қоғамда әлеуметтік тұрақтылық орнайды. Бірақ мұның екінші жағы да бар. Сарапшылардың пікірінше, коммерциялық банктер уақытша табыстан қағылады, бұл олардың несие беру белсенділігіне әсер етуі мүмкін. Кейбір азаматтар жеңілдікті пайдаланып, жауапкершіліксіз несие алуға бейімделуі ықтимал. Сондай-ақ егер мемлекет банкке өтемақы төлейтін болса, бұл бюджеттік шығындарды арттырады. «Сондықтан бұл әлеуметтік шешім — шынайы мұқтаж азаматтарға ғана бағытталуы тиіс», — дейді экономист маман.
Перизат Бауыржанқызы, қаржыгер:
Қазіргі кезде мысалы, әлеуметтік осал топ – 500-600 мың адам болса, соның ішінде қарайтын киімге, заттарға, техникаға алған несиелер басым. Ол жерде дәрі-дәрмекке алған несие тек 7%-ды құрап тұр. Яғни, медицинаға алған. Осы жағынан саралап, қарау қажет. Екі асыраушысынан бірдей айырылған азаматтар болса, І, ІІ-топтағы қиын жағдайдағы мүгедектер болса, онда болады.
Ақниет Балтанова
