Көрнекті мемлекет және қоғам қайраткері Бердібек Сапарбаевтың өмірі мен қызмет жолына арналған «Сапарбаев тұлғасы» атты кітап жарыққа шықты , деп хабарлайды 24kz.
Бүгін Астанада Мемлекеттік қызмет істері агенттігінің ұйымдастыруымен жинақтың тұсаукесері өтті. Агенттік төрағасы Дархан Жазықбай мемлекеттік қызметте 40 жылдан астам еңбек еткен Бердібек Мәшбекұлының ел дамуына қосқан үлесін ерекше атап өтті. Бердібек Сапарбаев еңбек жолын қатардағы қызметтен бастап бес облыстың әкімі, Премьер-министрдің орынбасары қызметіне дейін көтерілді. Ол – мемлекеттік басқару жүйесін жетік меңгерген, ел үшін жанын салып еңбек еткен тұлға. Халық Бердібек Мәшбекұлын әділдігі мен табандылығы үшін «дағдарыс менеджері» деп атады. Бұл туынды ел дамуына қосылған өлшеусіз үлес, қоғам қайраткерінің еңбек жолын үлгі етіп, жас мемлекеттік қызметшілердің тұлғалық болмысын қалыптастыру мақсатында жарық көрген.
Ұлан Айхожаев, кітап авторы:
- Кітаптың құрылымын да 5 бөлікке бөлдік. Ол кісінің 5 облысты басқарған жылдарын бөлім-бөлімге бөліп, Қызылорда, Ақтөбе, Шығыс Қазақстан сол бес облыста басқарған істерін. Сұхбат ретінде салып отырдық. Бұл кітап әрі қарай, біздің тәуелсіздік алған жылдарындағы саяси мемлекеттік тұлғалардың қатарын жалғастыру мақсатындағы «Сапарбаев тұлғасы» деп шықты бұл кітап. Әрі қарай бұл кітапты жалғастырғымыз келіп жатыр.
Дархан Жазықбай, ҚР Мемлекеттік қызмет істері агенттігінің төрағасы:
- Біз өзіміздің тәуелсіздігімізді алғаннан бері 30 жылдан аса бері өзіміздің мемлекеттік басқару стратегиялық қойған жоспарларымыз болды. Оны жүзеге асырған 90-шы жылдардан бері үлкен тұлғаларымыз бар. Соны іске асырған үлкен ағалырымыз бар, қайраткерлеріміз, зиялыларымыз бар, мен өзім жастарды келіп тұрғаннан кейін бетін қақпай белін буып, яғни «Тұлға тану» егемендік еліміздің тұлғаларын жастарға көрсете білуіміз қажет деп осы істі қолдадық.
