Шымкент қалалық соты мамырда мегаполис тұрғынын терроризмді насихаттағаны үшін кінәлі деп тауып, 7 жылға бас бостандығынан айырды, — деп хабарлайды Massaget.kz тілшісі.
ҰҚК тергеген қылмыстық іс аясында ол айналасындағыларды адамдарды өлтіруге шақырып, діни негізде зорлық-зомбылықты ақтағаны анықталған.
Сонымен қатар, ҰҚК материалдарына сәйкес, Атырау және Ақтөбе облыстары соттарының шешімдерімен діндарлар арасында терроризмді насихаттағаны үшін екі адам 7 және 6 жылға бас бостандығынан айыру жазасына кесілді. Олар бұған дейін жалпы қылмыстары мен террористік белсенді аймақтарға шығуға әрекеттенгені үшін сотты болған.
ҰҚК баспасөз қызметі
Айыпталушыларға қатысты үкім заңды күшіне енді.
Айта кетейік, жыл басынан бері ҰҚК тергеген қылмыстық істер бойынша 52 адам, соның ішінде 2 шетелдік террористік және экстремистік қылмыстар жасағаны үшін түрлі мерзімге бас бостандығынан айырылды. Тағы 52 адамға қатысты тергеу жалғасып жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
