Шығыста аптап ыстық басталды. Соңғы үш тәулікте орташа темпратураның өзі +32+34 градусқа жетті. Ал оңтүстік аудандарда термометр бағаны +40+42 граудсқа дейін көтерілді. Жалпы күн райы салқын болатын өңір үшін бұл өте қолайсыз болып тұр. Күннің ыстығынан қысымы көтеріліп, жедел жәрдемнің көмегіне жүгінетін науқастардың да саны күр артты.
Аптап ыстық түскеннен бері облыстық жедел жәрдем станциясы қызметкерлерінің де жұмысы ауырларды. Жай күндері тәулігіне 500-600 қоңырау түссе, қазір екі есеге көбейген. Негізінен созылмалы жүрек қан тамыры ауруына шалдыққан науқастар көп шағымданады.
Райгүл Перубаева, облыстық Жедел жәрдем станциясының аға дәрігері:
Күн ысыған кезде жұмыс көбейеді. Жаз уақыттарында демалыс орындары көп. Соңғы 2-3 күнде 2-3 шақырулар болды. Күннің өте ыстық кезінде далада күннің астында бас киімсіз жүрмеуге тырыссын.
Облыстық жедел жәрдем станциясында 50 бригада бар. Шақыру көбейгенде қосымша дәрігерлер тобы көмекке барады.
Ауа райын болжау орталығының мамандары ыстық әлі де бірнеше тәулік сақталатынын хабарлады. Сондықтан өрт қаупі де жоғары. Кей жерлерде жаңбыр мен бұршақ жауып, қатты жел де соғады. Таулы аудандарда желдің жылдамдығы секундына 20-23 метрге дейін жетеді. Бірақ облыстың оңтүстігінде ыстық сақталады.
Айжан Иманқабасова, инженер-синоптик:
Яғни 19-20 маусым аралығында қатты ыстық +30 дан +38 градусқа дейін көтерілетін болса, ал 21-22-ші маусым аралығында бұл қатты ыстықтың аздап төмендеуі ауа температурасы +24 тен +32 градусқа дейін аздап төмендеуі күтіледі.
Олжас Керейхан, тілші:
Ыстықтан сая табу үшін халық сенбі мен жексенбі Бұқтырма мен Сібе көлдеріне ағылады. Ал өскемендіктер таңертең кешке Ертіс пен Үлбінің жағасын сағалайды. Биыл маусым айы туа аңқаны кептірер аптап басталды. Ал алда шіліңгір шілде мен қызуы қатты тамыз тұр.
Олжас Керейхан
