Сәуір айынан бері кәсіпкерлер мемлекеттік сатып алуға қатыса алмай отыр. Басты себеп – электрондық платформаның дұрыс жұмыс істемеуі. Stat.gov.kz сайтының мәліметінше мамыр айында елде 2350 заңды және жеке тұлға мемлекеттік сатып алу қатысушысы ретінде тіркелген. Бірақ ешқайсысы әлі күнге конкурстарға қатыспаған. Ал Ұлттық экономика министрлігі реестр жұмысы қалпына келтіріледі деді. Бірақ оның қашан толық іске қосылатыны туралы айтпады.
Шолпан-Сәуле Мұратбек, ҚР ҰЭМ кәсіпкерлік саясатты дамыту Департаментінің бизнес ортаны талдау және мониторингілеу басқармасының басшысы:
Өз кәсіпкерлік субьектілерінің санатына өзгеріс енгізгісі келетін субьектілердің қазір өтінімдерін жүзеге асыру мүмкін болмай тұр. Ұлттық Экономика министрлігі және құзыретті мемлекет органдар ол цифрлық даму министрлігі және қаржы министрлігімен бірлесіп жұмыс жасап жатырмыз. Нақты уақыты белгісіз, өйткені ол ішкі келісулерге және басқада сұрақтарға байланысты.
Заңгерлер аталған келеңсіздікті техникалық ақаумен байланыстырады. Яғни мәселенің шешімі сайтқа жауапты мамандардың кәсібилігіне қатысты деп отыр. Сайт қалпына келгенше экрандағы номерлерге хабарласып қажетті ақпаратты алуға болады.
Болат Келдібеков, қалалық кәсіпкерлер палатасы кәсіпкерлердің құқықтарын қорғау кеңесінің мүшесі, адвокат:
Бұл проблема техникалық проблема. Бұл реестр деген электронды платформа. Ол дұрыс істеуі үшін оны IT мамандар қарап отырады. Сол IT мамандардың кемшілігі ме немесе сол электронды платформаның жарамсыздығы ма. Сол себепті 29 сәуірден электронды платформа дұрыс жұмыс істемей жатыр.
Колл орталық: 74-33-12; 74-38-38; 74-33-89
Серік Жұмабек
