Жамбыл облысында ағын су көлемі азайып бара жатқандықтан мамандар есептеуіш құралдың ерекше түрін енгізбек.
Былтыр Шу ауданында тіршілік көзін бұрып алатындардың кесірінен алқаптарға ағын су жетпеді. Бүгінде жауаптылар ағын суды кеңестік кездегі ескі құралмен өлшеп әуре. Енді электронды есептеу құрылғысы су тұтыну бойынша ай сайын ақпарат беріп отырады. Тың технология тіршілік көзін қашықтан бақылауға мүмкіндік береді. Сондай-ақ диспетчер 360 градустағы камералар арқылы каналдар бойын көре алады.
Рахат Шұбаев, шаруа:
Бұрындары бізде сумен кішкене қиынырақ болған. Баяғыдай талас жоқ. Ешкім ешкіммен таласпайды. Азғантай суды алып, қазіргі заман талабына сай «тамшылатып сауару» дейді. Осымен үнемдеп, суды үнемдеп, игеріп жатырмыз.
Енді цифрлық жоба 2 айда сынақтан өтсе, 80-ге тарта су арнасының бойына орнатылмақ. Жоба демеушілер қаржысымен іске асады. Әзірге электронды есептеуіштерді орнату үшін Тасөткел су қоймасы таңдалған. Өйткені бұл су айдынынан 700-ге жуық диқан су алып отыр.
Бекәлі Асқарұлы, «Тасөткел» өндірістік бөлімшесінің басшысы:
Қазір мынау электронды болғандықтан, біз өзіміз жұмыс орнынан, монитордан бәрін бақылап отырамыз. Минутына қанша кетіп жатыр, Күніне 3-4 рет есебін береді бізге. Шаруа қожалықтарға да өте тиімді нәрсе. Бірқалыпты судың деңгейін ұстап тұрады.
Данияр Әлімқұл
