Бүгін Австрияның оңтүстігіндегі Грац қаласындағы мектепте атыс болып, 10 адам қаза тапты. Тағы 30-ы жараланып, ауруханаға жеткізілген. Мұны Грац мэриясы хабарлап отыр. Мерт болғандардың арасында қанша оқушы болғаны әзірге белгісіз. Дегенмен, кейбір деректерге қарағанда, қаза тапқандардың біреуі ғана ересек адам. Жергілікті басылымдардың хабарлауынша, білім мекемесін қанға бөктірді деген күдіктінің мәйіті ваннадан табылған. Ол осы мектептің бұрын буллингтен зардап шеккен оқушысы болуы мүмкін. Оның ауыр қылмысқа неліктен барғаны белгісіз. Австрия канцлері Кристиан Штокер бұл атысты «ұлттық трагедия» деп атап, елдің қайғысын сөзбен жеткізу қиын екенін мәлімдеді.
Арыстан Рысбек
