Бұл өндіріс техника шығарады. Нағыз мамандардың тәжірибесін, жауапкершілігін және дәлдігін өзара ұштастырған кәсіпорынның өнімі – сапалы. Құрастырушылар, инженерлер мен токарьлардың әрқайсысы – өз ісінің білгірі. Бұл кәсіп білім мен біліктіліктен бөлек, төзімділікті талап етеді. Себебі қателесуге ешкімнің хақы жоқ. Әр деталь өз орнымен қолданылған жағдайда ғана күрделі машиналар іске қосылады. Көзге көріне бермейтін, бірақ аса қатты ыждахаттылықпен атқарылатын жұмысқа осы мамандар жауапты. Өйткені олар – зауыттың тірегі.
