Алдағы 5 жылдың бірі Жер бетіндегі ең ыстық жыл болайын деп тұр.
Дүниежүзілік метеорологиялық ұйымның болжамы осындай. Әзірге метеобақылау тарихындағы ең ыстық жыл болып, 2024 жыл тіркелген. Былтыр орташа температура алғаш рет индустрияға дейінгі замандағы көрсеткішпен салыстырғанда 1,5 градусқа асып кеткен. Ал 10 жыл бұрын Париж келісіміне қол қойған 200-ге жуық мемлекет өкілдері орташа температураны бұл межеден асырмауға келіскен еді. Енді алдағы 5 жылдағы көрсеткіш одан да жоғары болуы мүмкін дейді мамандар.
