Наркенже Серікбаева дәстүрлі әнші, Қазақстанның еңбек сіңірген қайраткері Ерлан Рысқалиға ренішін айтты, деп хабарлайды Skifnews.kz ақпарат порталы.
«Армысыздар менің жақсыларым, жанашырларым!
Мына постты менің бүгінгі көңіл күйім, ішкі назым деп қабылдаңыздар! 1 бөлім
Мен туғалы анамның бесік жырымен сусындап, алты жасымда қолыма қара домбыра ұстап, жыр терме тыңдап, қарапайым отбасыда бойжеттім. Көп балалы жанұядан шықтым. Қазіргі тіршілігім бәріңізге белгілі. Шүкір! Қалың қазаққа танылғаным, қасиетті қара домбыраға адалдығымнан деп білемін.
Бүгін өзім жұмыс жасайтын Түркістан облыстық Шәмші Қалдаяқов атындағы филармониясында мемлекеттік аттестация өтті. Тәртіпке бағынған құл болмайды деп жұрт қатарлы барып өнерімді көрсеттім. Алдыңғы буын өнердегі аға-әпкелерімнің алдына шығып ән, жыр-термемді айттым. ҚР Еңбек сіңірген қайраткері, дәстүрлі әнші Ерлан Рысқали ағам сұрақтың астына алды. Дәстүр деген не? Қанша мектеп бар? Әлемдік классикадан және әлемдік эстрада дан кімдерді тыңдайсыз? Ән қоржының (багажың) неге аз т.б сансыз сұрақтар… Көзімді ашқалы домбырамен келе жатсам, әлемдік классикада нём бар? Осы дәстүрлі әнші қоятын сұрақ па? Біз өз ұлттық өнерімізді естіп, елеп, дамытып қарық қылайықшы! Сосын менің багажым тоқтамай 5 күн концерт беруге жетеді шүкір! Екі әнмен ел аралап гастрольде жүрген жоқпын! Алланың берген бармақтай бағымен елдің сұранысында жүрмін! Адамның өнерімен талассаң да , бағымен таласа алмайсың деген. Қазақтың домбырасын ұстап жүрген қарындасым ғой, орамалын тастамай, ұлттық өнерді ластамай жүрген ерке қызымыз ғой қолдағаныңызды қалаймын! Ереке мен сізді мойындаймын! Дарабоз әншісіз! Шәкірттері көп ұстазсыз!
Құрметтеймін! Бірақ бүгінгі аттестацияда мен қыспаққа ал деп тапсырма келді ме мен білмедім… Менен басқа да қоғамда сұрағы көп, жауабы жоқ дүниелер бар… Сырға таққан, шетелге еліктейтін, әні мен сөзінде мән жоқ, ашық-шашық киінген өнерпазбын деп жүргендерді сынаңыздар! Мен орынды сынды көтеремін! Қабылдаймын! Оқымаған әнші деп менсінбесеңіз де өз еркіңіз! Сол Алматыда, консерваторияда оқу менің бала күнгі арманым еді. Сол жерде оқымағаныма өкінетінім рас. Себебі мен қарапайым шаруа отбасыдан шықтым. Қолым ұзын болмады. Ол жақта оқуға қабылетім жеткенімен, қаржым жетпеді. Құрметті алдыңғы буын аға-әпкелер кейінгі жас домбыра ұстаған іні-қарындастарыңызға жылы қабақ танытыңыздар!», — дейді ол.
Сондай-ақ Наркенже Серікбаева өзін бағы жанған бақытты әнші деп есептейтінін де жасырмады.
«Мен әр концертімде мына әнді айтыңыз, мына әніңізді қашан айтасыз, осы әнді айтып бересіз бе деп сұрайтын тыңдармандарымның барына қуанамын! Халықтың 1 минут 2 , 3 минут тоқтамай ұрған шапалағына, жылы лебіз шапағатына, көрерменнің қошеметіне ие боп жүрген мен бақытты әншімен деп есептеймін өзімді! Маған ешқандай атақтың да, темір-терсек медальдің да керегі жоқ! Алмас Алматов көкем айтқандай: Мен өнерге бір күнге немесе бір күнде келген жоқпын! Бір-бірімізге іштарлық емес, құштарлық ниетте болайық! Бәріңізді жақсы көремін!», — деп жазды ол.
Посмотреть эту публикацию в Instagram
Публикация от ???????????????????????????????????? ???????????????????????????????????????????? (@narkenjeserikbaeva)
