Албания астанасы Тиранада қазақстандық ұсталып, қамауға алынды, — деп хабарлайды Massaget.kz тілшісі.
Ол Қазақстан ІІМ Интерпол Ұлттық орталық бюросының сұрауы бойынша ірі көлемде алаяқтық жасағаны үшін халықаралық іздеуде жүрген.
"2023 жылы ер адам Алматы қаласында жеке мектеп ашып, жоғары оқу орындарына түсу үшін ақылы дайындық курстарын ұсыну арқылы 10 азаматты алдаған. Жалпы шығын 10,5 млн теңгеге жеткен", — деді полиция.
ІІМ алаяқтар оқыту курстарын жарнамалауда төмен баға, эксклюзив оқыту әдістері мен үздік оқытушылар құрамын ұсынатынын еске салды.
Алаяқтық курстардың негізгі белгілері:
- лицензия болмауы, ресми тіркелмеуі;
- оқытушылар мен бағдарлама туралы ашық ақпарат жоқ;
- келісімшартсыз толық төлемді талап ету;
- тәуелсіз платформалардағы ұсыныс, пікірлер болмауы.
Instagram парақшамызға жазылып, ең қызықты ақпараттарды бірінші болып оқыңыз!
