Еліміздегі балалардың өсіп, дамуына үкімет тарапынан жан-жақты қолдау көрсетіліп келеді .
Бір ғана мысал, тікелей президент тапсырмасымен өткен жылы "Ұлттық қор-балаларға" жобасы бастау алған. Оның аясында 18 жасқа дейін әр жеткіншекке қордан қаражат бөлініп отыр. Былтыр бұл төлемдердің көлемі бір балаға шаққанда 120 доллар шамасында болды. Ал тұтастай бағдарлама бойынша жалпы қаражат 888 млн долларға жеткен. Қолдау қаржысын тұрғын үй жағдайын жақсартуға немесе білім беру ақысын төлеу үшін жұмсауға болады.
