XDS Astana Development Team командасының шабандозы Маттиа Негренте Люксембургте өтіп жатқан "Флеш Сюд" көпкүндік веложарысының екінші кезеңінде жүлделі екінші орынға ие болды.
160 шақырымға созылған кезең Санема өңірінде өтті. Кезеңнің жеңімпазы алға ұзап шыққан топтан шабуылдаған велошабандоз болса, елордалық команданың өкілі Маттиа Негренте негізгі пелотон ішінен спринтті жеңіп, мәре сызығын екінші болып кесті.
"Бүгін бүкіл команда үшін сәтті күн болды. Кеше үздік таулы шабандоз жейдесін жеңіп алған Симоне Занини аралық мәрелерде белсенділік танытып, көшбасшылығын нығайтты. Біз бір-бірімізді жақсы қолдап, командамен бірге күрестік. Финалда он шабандоздан құралған көшбасшы топ құрылды. Соңғы өрлеуде үшеуіміз ғана қалдық. Өкінішке қарай, шешуші шабуылды қайталай алмадым, бірақ өзімді жақсы сезіндім және топ ішіндегі спринтті жеңгеніме қуаныштымын. Бұл әлі бастамасы ғана", - деді Маттиа Негренте жарыстан кейінгі сұхбатында.
Қазақстандық велоспорттың жас таланттарын дайындайтын XDS Astana Development Team командасы бұл көпкүндікте өзін тамаша көрсетіп келеді. Алда әлі бірнеше кезең бар және біздің велошабандоздар жаңа жеңістермен қуантады деген сенім мол.
