Әрине , тек Орталық Азия емес, бүкіл әлемде болып жатқан сын-қатерлер бәрімізді алаңдатады. Дегенмен Орталық Азия Ауғанстанға жақын орналасқандықтан Шығыс пен Батыс және Қытай елі бұл мәселені үнемі қаперде ұстауға тиіс.

Орталық Азия елдері қатарында Қазақстан мен Өзбекстанда мол уран қоры бар. Аталған екі ел атом энергетикасын дамытуға қатысты бағдарлама жасап, есебін дайындады. Сонымен қатар әлемде сирек кездесетін элементтер Қытай мен осы аймақта көп шоғырланған. Қазіргі мәліметтерге қарағанда, 5 млрд долларға тең аса қат элемент бар. Бұл элементтер техника мен заманауи технологияны дамытуда өте маңызды. Енді осы элементтерді тиісті елдерге жеткізу бағыттары мен тізбегін тиімді құруымыз керек.

Аймақтағы саяси мәселенің бірі – су ресурстарына қатысты. Су көп жағдайды шектейтін фактор болып саналады. Осы ресурсты үнемдеу мүмкіндіктерін қарастырған жөн. Халықаралық интеграция – жыл өткен сайын дами беретін жол. Одан қалып қой­мау керек. Десек те, мұнда экстремистік ұйым­дарға қатысты қиындықтарды да көріп отыр­мыз. Ресей мен Украина жағдайы да қат­ты алаңдатады. Осы мәселерді шешудің тиім­ді алаңының бірі осы форум болғаны қуантады.

Арэль Коэн,

Халықаралық салық және инвестиция орталығының энергетика, су және қауіпсіздік бағдарламасының басқарушы директоры