Бұл туралы ресейлік ғалымдар хабарлады.
Маусым айында Жер бетінде күшті магниттік дауылдар болады. Бұл туралы Ресей ғылым академиясының ғарыштық зерттеулер институты және РҒА Сібір бөлімшесінің Күн-жер физикасы институты жанындағы Күн астрономиясы зертханасы мамандары мәлімдеді, деп хабарлайды inbusiness.kz сайты ura.ru ресейлік порталына сілтеме жасап.
Ғалымдардың хабарлауынша, магниттік дауылдардың негізгі белсенділігі айдың басында және соңғы аптасында байқалады. Айдың ортасы салыстырмалы түрде тыныш болады, бірақ геомагниттік белсенділік деңгейі жоғары болып, адамдардың денсаулығына әсер етуі мүмкін.
Магниттік дауылдардың болжамды күндері:
- 1 маусым – магниттік ахуал тұрақты болады.
- 2–6 маусым – геомагниттік белсенділік артады. Ол төрт баллға дейін жетуі мүмкін.
- 7–13 маусым – уақытша тыныштық орнайды.
- 14 маусым – қарқынды магниттік дауыл. "Қызыл деңгей", бес балл. Бұл күні денсаулыққа айрықша назар аудару қажет.
- 15–23 маусым – геомагниттік белсенділіктің орташа кезеңі.
- 24–25 маусым – бес баллға дейін жететін магниттік дауыл. Денсаулыққа және техникаға әсер ету қаупі жоғары.
- 26–30 маусым – геомагниттік дауыл белсенділігінің жоғарғы деңгейі сақталады.
