Мемлекет басшысы Түрікменстан Президенті Сердар Бердімұхамедовпен кездесті , деп хабарлайды 24kz.
Басқосу барысында мейманның «Орталық Азия – Италия» саммитіне қатысуы мемлекетаралық көпқырлы қарым-қатынастарды одан әрі ілгерілету тұрғысынан маңызды екенін атап өтті. Екі ел арасындағы ынтымақтастықты дамытуға да баса мән беретінін жеткізді. Президенттің пікірінше, қазір Астана мен Ашхабад арасындағы ынтымақтастық өркендеп, көптеген негізгі салаларда оң динамика байқалады. Ал Сердар Бердімұхамедов қонақжайлық танытқаны үшін алғыс айтып, саммит қорытындысы ынтымақтастықты кеңейтуге ықпал ететініне сенім білдірді. Кездесуде Қасым-Жомарт Тоқаев Халк Маслахатының Төрағасы Гурбангулы Бердімұхамедовке ыстық ықыласын жолдап, оның жауапты қызметіне толағай табыс тіледі.
