Адам шошырлық әрекетке барған ер адам – 36 жаста.
Оқиғаның 30 мамыр күні түнде Бөрлі ауданында болғаны анықталды, деп хабарлайды inbusiness.kz сайты.
Поииция қоңырау түскен уақыт пен аумақ туралы мәлімет бере кетті.
– 2025 жылдың 30 мамырында сағат 00:30-да Бөрлі ауданының полиция бөліміне "102" пульті арқылы қоңырау түсті. Телефон соққан адам "Нефтэк" жанар-жағармай станциясы аумағында бензопиламен белгісіз адамның агрессивті әрекет жасап, көлік құралдары мен адамдарға шабуыл жасағаны туралы шағым тастады, – деп жазылған полицияның хабарламасында.
Ал аудандық полиция бөлімі қазіргі уақытта түннің бір уағында тұрғындардың есін шығарып, бензопиламен шабуылдаған ер адамның ұсталғанын мәлімдеді.
– Қабылданған қауіпсіздік шаралары нәтижесінде полиция қызметкерлері 1989 жылы туған Т. есімді азаматты ұстады. Осы күні ол уақытша бейімделу және детоксикациялау орталығына орналастырылды. БҚО бойынша психикалық денсаулық орталығына орналастыру мәселесі қаралуда, – деді полиция бөліміндегілер.
Ер адамның мұндай іс-әрекетке не үшін барғаны белгісіз.
