Айтуларынша, тонна-тонна тиелген тауар бүліне бастаған.
Қазақстан-Ресей шекарасында ұзын-сонар кептеліс пайда болды, деп хабарлады 31 арнаның Информбюро ақпараттық бағдарламасы.
Жүк көліктері көрші елге өте алмай, тәуліктеп тұрып қалған. Төзімі таусылған жүргізушілер кеден бекетіндегі жағдайға электронды кезек себеп деп ашулы. Жайсаң бекетінде көліктер бірнеше күннен бері қаз-қатар тізіліп тұр. Тауар тасымалдаушылардың жүруінен тұруы көп.
Айтуларынша, тонна-тонна тиелген тауар бүліне бастаған. Он күн бұрын шекарада электронды кезек енгізіліпті. Бірақ жаңа жүйенің пайдасы шамалы дейді жүргізушілер. Оған қоса, тас жолды жөндеу жұмыстары басталып, жығылғанға жұдырық болған. Ал жауаптылар жағдайды бақылауға алдық деп отыр.
Оқи отырыңыз: Украинадағы жағдай және Ресеймен қарым-қатынас. Тоқаев Al Jazeera телеарнасына не туралы сұхбат берді
"Үш-төрт километрдей жол жөндеу жұмыстары жүріп жатыр. Сол себептен кептелістер болып тұрады пока. Тамыз айының ортасына дейін сол жұмыс аяқталғанша. Электронды очередь жөнінде айтатын болсақ,19 мамырдан бастап енді. Бүгінгі күнге енді жұмыстар қалыптасып келе жатыр жайлап, бір жұманың ішінде орнына келеді деп ойлаймыз", – деді Ақтөбе облысы мемлекеттік кірістер департаменті басшысының орынбасары Бауыржан Камаладдинов.
