Еуропа елдерінде ішімдікті көп тұтынудың себебінен өлім-жітім артып барады. Әр 11-ші қазаға ішімдік себеп. Бұл туралы Дүниежүзілік денсаулық сақтау ұйымы мәлімдеді.
Мамандар ішімдіктің салдарынан жыл сайын 800 мың адам көз жұмады деген дерек келтірді. Ішімдік адамды қатерлі ісікке душар етіп қана қоймай, ойлау қабілетін төмендетіп, мінез-құлықтың өзгеруіне ықпал етеді. Ішімідікке сылқия тойып алғандар жол-көлік оқиғалары мен зорлық-зомбылықтың себепкері де болып жатады. Ұйым өкілдері осыған алаңдаушылық білдіріп, зиян әдеттен арылуға кеңес берді.
