Қазақстан Республикасының Сыртқы істер министрі Ермек Көшербаев Украинаның Қазақстандағы Төтенше және Өкілетті Елшісі Виктор Майконы қабылдады.
Кездесу барысында тараптар Қазақстан мен Украина арасындағы екіжақты ынтымақтастықтың қазіргі жай-күйі мен даму перспективаларын талқылады, деп жазады inbusiness.kz сайты.
Сонымен қатар, халықаралық және өңірлік күн тәртібіндегі өзара қызығушылық тудыратын мәселелер бойынша пікір алмасты.
Келіссөздер қорытындысы бойынша Астана мен Киевтің саяси, экономикалық және мәдени-гуманитарлық салалардағы сындарлы диалогты одан әрі тереңдетуге дайын екені атап өтілді.
