Оңтүстік Кореяда мерзімінен бұрын президент сайлауы басталды. Саяси науқан 2 күн жалғасады.
Ең жоғары лауазым үшін 6 үміткер таласпақ. Сарапшылар негізгі тартыс «Тобуро» либерал партиясының жетекшісі Ли Чже Мён мен «Халық күші» консервативтік партиясының өкілі, бұрынғы Еңбек министрі Ким Мун Судың арасында өтеді деп болжайды. Сайлаудың негізгі күні – 3 маусым.
Естеріңізге сала кетейік, елдің бұрынғы президенті Юн Сок Ёль 4 сәуірде қызметінен ресми түрде шеттетілді. Конституциялық сот оның былтыр желтоқсанда әскери жағдай енгізуін заңбұзушылық деп тапқан.
