Бүгін қазақ елі Халық әртісі, Қазақстанның Еңбек Ері Асанәлі Әшімовты соңғы сапарға шығарып салды.
Қоштасу рәсімі Алматыдағы Абай атындағы Опера және балет театрында өтті. Қаралы жиында Президенттің көңіл айту хатын Мемлекеттік кеңесші Ерлан Қарин оқыды. «Асанәлі Әшімов бүкіл саналы ғұмырын театр және кино саласына арнап, төл мәдениетіміздің көкжиегін кеңейтуге өлшеусіз үлес қосты. Өрелі өнердің туын биік ұстап, өнегелі ғұмыр кешкен Асанәлі Әшімовтың жарқын бейнесі халқымыздың жүрегінде сақталады», — делінген Президент жеделхатында. Қоштасу рәсіміне Премьер-министрдің орынбасары — Мәдениет және ақпарат министрі Аида Балаева, Алматы қаласының әкімі Дархан Сатыбалды, мемлекет және қоғам қайраткерлері, мәдениет саласының өкілдері қатысты. Актёрдің өнерін құрметтеген қала тұрғындарында есеп жоқ. Айта кетейік, 21 желтоқсанда белгілі кино және театр актёрі, қазақ сахнасының абызы Асанәлі Әшімов 88 жасында дүниеден озды.
