Маңғыстау облысының экологтары Ақтау мен оның айналасында жоспардан тыс жүргізген мониторигті аяқтады. Тексеруге тұрғындардың ауадан жағымсыз исі шығатыны туралы шағымдары себеп болған, деп хабарлайды 24.kz.
Зерттеу 15-22 желтоқсан аралығында жүргізілді. Мамандар облыс орталығының түрлі аудандарынан, кәсіпорындардың аумағынан сынама алып, зерттеген. Алдын ала нәтиже бойынша ірі өндіріс ошақтарының бірінен шыққан күкіртті көміртек мөлшерден асып кеткен. , :
"Бұл ластаушы зат, өткір иісті, ауаға тез таралатын, сол себепті қалаға қарай жел бағытталған кезде осы қала мен Мұнайла ауданында осы иіс шығуы анық байқалды. Бізде осы жылға бірінші заңбұзушылық, яғни ол заңбұзушылықты біз тексеру жұмыстары арқылы анықтаймыз. Бұл фактілер прокуратура органдарына жолданады. Тексеру барысында біз ол бұзушылық қалай болды, неден болды, соны толығырақ зерттейтін боламыз", — дейді облыстық экология департаментінің бөлім басшысы Қайсар Нәдірбек.
Мәтіннен қате тапсаңыз, бізге жазыңыз
