Аустриялық компания Алматы облысында сауда орталығын салуға ниетті. Бүгін инвесторлар Премьер-министр Олжас Бектеновпен кездесіп , жобаны жүзеге асыру тетіктерін талқылады.Тараптар ірі орталықтың салынуы — шағын және орта бизнесті дамытуға, инвестиция тартуға және тауар айналымын арттыруға тың серпін беретініне сенім білдіруде. Осылайша, аустриялық инвесторлар еліміздің сауда және туристік әлеуетін дамытуға дайын екендерін жеткізді. Сондай-ақ Үкімет басшысы Олжас Бектенов Дүниежүзілік банктің вице-президенті Антонелла Бассанимен кездесті. Тараптар инфрақұрылымды жаңғыру жолдарын талқылады. Энергетика, су құбыры желілері, логистика, трансшекаралық су жобалары, цифрландыру бағыттарына басымдық берді. Дүниежүзілік банк елімізбен жалпы құны 8 млрд доллардың 48 жобасын іске асырды. Бұл 32 жылдың ішіндегі нәтиже.
Самал Қабышева
