Павлодар облысы бойынша ЭТД қызметкерлері мемлекеттік мекемеде жұмыс істейтін бухгалтерлер жиі жасайтын заң бұзу деректері туралы айтып берді. Бұл туралы олар Артём Клеванның "Сигнал" жобасында баяндаған, деп жазады KAZ.NUR.KZ.
Павлодар облысы бойынша ЭТД басшысының орынбасары Ғалиасқар Қасымовтың айтуынша, қазіргі таңда өңірде бюджет қаражатын жымқыру дерегімен 6 қылмыстық іс бойынша үкім шығарылған. Солардың бірі — мемлекеттік мекеменің бухгалтеріне қатысты іс.
"1995 жылғы жас жігіт Павлодардағы кішігірім мемлекеттік мекемеге жұмысқа орналасып, 2 айдың ішінде 10 млн теңге жымқырады. "Ақшаны қайда жібердің?" деген сұраққа ол кездесіп жүрген қызына жұмсағанын айтады. Мемлекеттік мекемеден 2 айдың ішінде 10 млн теңге жымқырған", — дейді Қасымов.
Оның сөзінше, әдетте жымқырған қаражатқа мүлік сатып алады немесе басқа жерге салады. Ал бұл жағдайда бухгалтер ақшаны жұмсап жіберген. Банк көшірмелеріне сай, жас жігіт қызды мейрамханаларға, кафелерге, қонақүй бөлмесін жалдауға жұмсаған, қымбат сыйлықтар сатып алған.
Мәтіннен қате тапсаңыз, бізге жазыңыз
