АҚШ-тың Ішкі қауіпсіздік министрі Кристи Ноэм АҚШ-тың грин-карта беру бағдарламасы тоқтатылғанын мәлім етті. Бұл шешім Браун университетіндегі атыстан кейін қабылданды, деп хабарлайды KAZ.NUR.KZ.
Ол бұл туралы Х желісіндегі парақшасында жазды. Ноэмның сөзінше, университеттегі атыс ісі бойынша күдікті АҚШ-қа 2017 жылы осы бағдарлама арқылы келген.
"Браун университетінде оқ атқан Клаудио Мануэль Невес Валенте АҚШ-қа 2017 жылы Diversity Lottery (DV1) иммиграциялық виза бағдарламасы арқылы келген, сөйтіп грин-карта ұтып алған. Бұндай адамды біздің елімізге ешқашан кіргізбеу керек еді" — деді министр.
Сондай-ақ, оның айтуынша, 2017 жылы Трамп тыйым салынған ДАИШ ұйымының мүшесі қатысқан Нью-Йорктегі террористік шабуылдан кейін бағдарламаны тоқтату үшін күрескенін атап өтті.
"Президент Трамптың нұсқауы бойынша Азаматтық және иммиграция қызметіне (USCIS) осы бағдарламадан басқа америкалықтардың зардап шекпеуі үшін DV1 бағдарламасын тоқтата тұруды дереу тапсырдым", — деді Ноэм.
Өткен аптада Род-Айлендтегі Браун университетінде атыс болған еді, одан бірнеше адам қаза тауып, жарақат алды. Шабуыл емтиханға дайындық кезінде болғаны хабарланды.
Мәтіннен қате тапсаңыз, бізге жазыңыз
