ҰҚК Шекара қызметі 14 желтоқсанда Жамбыл облысының "Айша-бибі" өткізу пунктінде есірткі заттарының ірі партиясын алып өту әрекетінің жолын кесті. Бұл туралы ҰҚК-ға сілтеме жасаған KAZ.NUR.KZ хабарлайды.
Ведомствоның мәліметінше, техникалық құралдардың көмегімен көліктің жасырын жерлерінен күмәнді зат салынған 36 қап табылған, олардың кейбіреулерінде "999" таңбасы болған.
Сараптама нәтижесінде жалпы салмағы 30 кг-дан асатын тәркіленген заттардың есірткі екендігі анықталған, оның ішінде: героин – 0,999 кг, апиын – 3,620 кг және гашиш – 25,949 кг.
Бұл факті бойынша шетелдік азамат ұсталған, қазір сотқа дейінгі тергеп-тексеру жүргізіліп жатыр.
Қылмыстық-процестік кодекстің 201-бабының 1-бөлігіне сәйкес өзге ақпарат жария етілмейді.
Мәтіннен қате тапсаңыз, бізге жазыңыз
