Шымкентте үш жасар баланың ішінен 16 магнит шықты. Іші бүріп ауруханаға түскен балақайды рентгеннен өткізген дәрігерлер асқазанында бөгде зат бар екенін анықтаған, деп хабарлайды "КТК" арнасы.
Балақай диаметрі 0,5 сантиметр болатын 16 магнитті жұтып қойған. Ата-анасы баласы ауырсынып мазасызданғасын оны ауруханаға әкелген. Дәрігерлер бөгде заттарды эндоскопия жолымен толық алып шығыпты. Қазір баланың жағдайы тұрақты. Бала ауруханаға дер кезінде жеткізілген, дейді дәрігерлер.
"Ота алды дайындықтан өткеннен кейін операция жасалды. Ота жасағанда асқазан, ішек жолында бөгде зат, яғни 16 дана магнит табылып, оны алып тастадық", — дейді Шымкент қаласы, балалар клиника ауруханасының хирургі Нұрғали Әбдікәрімов.
Дереккөз: "КТК" арнасы
Мәтіннен қате тапсаңыз, бізге жазыңыз
